विदेशबाट के के सामान भन्सार नतिरी ल्याउन पाइन्छ?

भन्सारमा घोषणा गरेर नियमअनुसार महसुल तिर्नुहोस्। टिभी, म्युजिक सिस्टम, फ्रिज, वासिङ मेसिन, पंखा, रेडियो, घडी र मोबाइल फोन एक एक थान ल्याउन पाइन्छ। लुगाफाटा, जुत्ता र कस्मेटिक्स पाँच पाँच थानसम्म, मिक्सर वा राइस कुकरजस्ता घरायसी विद्युतीय उपकरण दुई दुई थान र दस किलोसम्म खाद्य परिकार पनि ल्याउन पाइन्छ। महसुल तिरेर पनि ल्याउन नपाइने जतिभन्दा बढी सुन र सीमाभन्दा बढी मदिरा जफत हुन्छ।

छुटको परिमाणमाथि थप एक सय ग्रामसम्म सुनको गहना भन्सार विन्दुमा महसुल तिरेर ल्याउन पाइन्छ। एक सय ग्रामसम्म काँचो सुन र पाँच सय ग्रामसम्म चाँदीको गहना पनि महसुल तिरेर ल्याउन पाइन्छ।

छ। छ महिनादेखि एक वर्षसम्म विदेश बसेर फर्केकालाई ती सामानमध्ये रु. १५,००० सम्मको छुट हुन्छ। एक वर्षभन्दा बढी बसेकालाई रु. २५,०००। सोह्र वर्षमुनिकालाई आधा मात्र छुट हुन्छ। त्योभन्दा माथिको मूल्यमा नियमअनुसार महसुल लाग्छ।

छ महिना वा बढी विदेशमा काम गरेका कामदारले प्रयोग गरेका लुगाफाटा र घरगृहस्थीका सामान आफू आउनुअघि वा पछि हुलाक वा कार्गोबाट भन्सार नतिरी पठाउन सक्छन्, तर भन्सार जाँचमा आफैं उपस्थित हुनुपर्छ। महसुल तिरेर ल्याउने सामान छुट्टै पठाए नेपाल आएको तीन महिनाभित्र भन्सार गोदाममा पुगिसकेको हुनुपर्छ।

स्थलमार्गबाट सिमाना आवतजावत गर्नेलाई सूचनाले यी सुविधा दिँदैन। रु. ५०० सम्मका निजी प्रयोगका सामान भन्सार प्रमुखले छाड्न सक्छन्। भारतमा पढ्ने नेपाली विद्यार्थीले एउटा ट्याबलेट, ल्यापटप वा कम्प्युटर भन्सार नतिरी ल्याउन पाउँछन्।

यी सुविधामा ल्याएको सामान अरूको नाममा जम्मा वा नामसारी गरेर छुटाउन पाइँदैन। विदेशमा बस्ने परिवारले नेपालका आफन्तलाई ५०० अमेरिकी डलरसम्मको सामान महसुल तिरेर पठाउन सक्छन्।