वैदेशिक रोजगार म्यादी जीवन बीमाले के समेट्छ?

श्रम सम्झौताभन्दा छ महिना बढी अवधिको जारी हुन्छ, र पूरा अवधिको बीमाशुल्क एकमुष्ट तिरिन्छ। जारी भएपछि अवधि वा बीमांक घटाउन बढाउन पाइँदैन।

बीमालेख जारी भएको छ महिनाभित्र विदेश नगएमा वा आफैं निवेदन दिएमा बीमकले रद्द गर्न सक्छ। बीमकले रु. ५०० कट्टा गरी बाँकी बीमाशुल्क अनुपातमा फिर्ता गर्छ। बीमालेख, राहदानीको प्रतिलिपि, कारणसहितको निवेदन र श्रम स्वीकृति रद्द गराएको प्रमाणित प्रतिलिपि लैजानुहोस्।

कानुनबमोजिम अनुमति पाएको हवाईजहाजबाहेक अन्य उडानमा भएको मृत्यु वा चोट समेटिँदैन। युद्धमा संलग्न हुँदा, सेनामा काम गर्दा वा नेपाल सरकारले वैदेशिक रोजगारीका लागि निषेध गरेको मुलुक जाँदा पनि समेटिँदैन।

बीमालेख जारी भएको मितिदेखि ३० दिन प्रतीक्षा अवधि हुन्छ। त्यसबीच पहिचान भएको रोग समेटिँदैन। रोगको रकम पाउन पहिचानपछि ३० दिन जीवित हुनुपर्छ, तर मृत्युको मुख्य सुविधा भने लागू रहन्छ।

दाबी निवेदन, मृत्यु दर्ता प्रमाणपत्र, स्थानीय तहको नाता प्रमाणित, कामदारको नागरिकता वा राहदानी र दाबीकर्ताको नागरिकतासहित बीमकमा निवेदन दिनुहोस्। विदेशमा मृत्यु भए त्यहाँको मृत्यु दर्ता प्रमाणपत्र, नेपाली दूतावासको मृत्यु प्रमाणित पत्र, शव ल्याएको एयर वे बिल र भन्सारको प्रज्ञापनपत्र पनि थप्नुहोस्। बीमकले सबै कागजातको सूची एकैपटक दिनुपर्छ र पटकपटक माग्न पाउँदैन।

कामदारको बैंक खातामा, वा मृत्यु भए बीमालेखमा इच्छाइएको व्यक्ति वा कानुनी हकवालाको खातामा।

बीमकसँग प्रतिलिपि माग्नुहोस्। रु. ५० लाग्छ।